FbTelugu

సీఎం కేసీఆర్‌పై వైఎస్సార్‌టీపీ చీఫ్ షర్మిల ఆగ్రహం వ్యక్తం చేశారు.

ముఖ్యమంత్రి కేసీఆర్‌పై వైఎస్సార్‌టీపీ అధినేత్రి షర్మిల ఆగ్రహం వ్యక్తం చేశారు. రైతుల సమస్యలను ప్రస్తావిస్తూ ఇచ్చిన హమీలను నిలబెట్టుకోలేదంటూ మండిపడ్డారు. ఎరువుల ధరలు తగ్గించాలంటూ సీఎం కేసీఆర్ ప్రధాని నరేంద్ర మోదీకి లేఖ రాసిన నేపథ్యంలో ఓ పత్రికలో వచ్చిన కథనాన్ని షేర్ చేసి ఆమె ట్వీట్ చేశారు..

ఉచిత ఎరువులు ఇస్తామన్న మాట ఉత్తదైపోయిందంటూ కేసీఆర్‌పై షర్మిల మండిపడ్డారు.. ‘చివరి గింజ వరకు కొంటానన్నది ఊసే లేకుండా పోయింది. పెట్టుబడి రాక రైతులు చస్తా ఉంటే మీరు సంబరాలు చేసుకొంటున్నారు..’ అని దుయ్యబట్టారు. ‘ఇప్పుడు ఎరువుల ధరలు పెరిగాయి అని రైతుల మీద ప్రేమ పొంగుకొచ్చినందుకు చాలా సంతోషం దొరగారు.. కానీ కేంద్రం మెడలు వంచుతామంటే నమ్మాలా?..’ అని ఎద్దేవా చేశారు.

‘మొన్నటి వరకు మీ మెడ మీద కత్తి పెట్టి వడ్లు కొనబోమని రాయించుకొన్నారు అన్న వాళ్ళ మెడలు ఈ రోజు మీరు వంచుతారా?.. ఎందుకు మీ రాజకీయ డ్రామాలు?.. మీ అధికారం కోసం, మీ కుర్చీ కోసం మీరు ఆడుతున్న నాటకాలలో ఇదే ఒక భాగమే.. మీకు రైతుల మీద ప్రేమ లేదు. రైతుల చావుల మీద సోయి లేదు’ అంటూ షర్మిల ట్వీట్ చేశారు.

You might also like

Leave A Reply

Your email address will not be published.