FbTelugu

మూట ముళ్ళె సర్దుకోవాల్సిందే – షర్మిల’ ట్వీట్‌..

వైఎస్సార్‌సిపీ అధినేత్రి వైఎస్ షర్మిల మరోసారి ముఖ్యమంత్రి కేసీఆర్‌పై విమర్శలు గుప్పించారు. రాష్ట్ర రైతులు ఎదుర్కొంటున్న సమస్యలపై ఆమె సోషల్ మీడియా వేదికగా సీఎంను నిలదీశారు. యాసంగి పంటలు వేసుకునే కాలం ఇది అని చెప్పిన కేసీఆర్‌కు ఆ కాలం కూడా వెళ్లిపోతుందన్న విషయం తెలియడం లేదా అంటూ ప్రశ్నించారు. ధాన్యం కొనుగోలు కేంద్రాల్లో రైతుల కష్టాలపై ఓ దినపత్రికలో వచ్చిన కథనాన్ని ట్విట్టర్‌లో షేర్ చేసిన షర్మిల.. కేసీఆర్‌పై విరుచుకుపడ్డారు.

‘ఇది యాసంగి పంటలు వేసుకునే కాలం అని చెప్పిన మీకు.. ఆ కాలం కూడా వెళ్లిపోతుంది అని తెలియడం లేదా దొరా?’ అంటూ కేసీఆర్‌ను వైఎస్ షర్మిల ప్రశ్నించారు. ‘పంట వేసుకోవాల్సిన రైతు ఇంకా వానాకాలం పంట అమ్ముడుపోక, కొనుగోలు కేంద్రాల్లోనే పడిగాపులు కాస్తుండు..’ అని అన్నారు. ‘చివరి గింజ వరకు కొంటాం అని చెప్పిన మాటల మొనగాడు, ఇప్పటివరకు కొన్నది 30 శాతమే..’ అంటూ ట్వీట్‌లో విమర్శించారు.

‘కొంటాడో కొనడో తెలియక ధాన్యం కుప్పల మీదే రైతు గుండెలు ఆగిపోతుంటే KCR గారు మాత్రం ధాన్యం కొనకుండా రాజకీయాలు చేస్తున్నాడు..’ అని షర్మిల ఆరోపించారు. ‘ఇప్పటికే 2 నెలలుగా వానకు తడుస్తూ ఎండకు ఎండుతూ రైతులు ఇబ్భన్ధి పడుతున్నారు..’ అని ఆమె ఆవేదన వ్యక్తం చేశారు. రైతులు తిరగపడక ముందే పంట మొత్తం కొనాల్సిందేనని డిమాండ్ చేశారు. ‘లేకపోతే KCR మూట ముళ్ళె సర్దుకోవాల్సిందే’ అంటూ ట్వీట్‌లో ఆమె హెచ్చరించారు.

You might also like

Leave A Reply

Your email address will not be published.