FbTelugu

సమంతతో త్రివిక్రమ్ క్రేజీ ప్లాన్..

విడాకుల తరవాత సమంత తన కెరీర్‌పైనే ఫుల్ ఫోకస్ పెట్టింది. జెట్ స్పీడులో ప్రాజెక్ట్స్ ఓకే చేసుకుంటూ ముందుకెళ్తోంది. రీసెంట్‌గా పుష్ప సినిమాలో స్పెషల్ సాంగ్ చేసి ఆకట్టుకున్న ఆమె ప్రస్తుతం ‘యశోద’ మూవీ షూటింగ్ కంప్లీట్ చేసే పనిలో ఉంది. ఈ నేపథ్యంలో తాజాగా సమంత కోసం త్రివిక్రమ్ శ్రీనివాస్ ఓ వైవిద్యభరితమైన కథ సిద్ధం చేశారని తెలుస్తుండటం ఆసక్తికరంగా మారింది.

‘అల వైకుంఠపురములో’ సినిమా తర్వాత దాదాపు రెండేళ్లు కావొస్తున్నా త్రివిక్రమ్ దర్శకత్వంలో మరో సినిమా రాలేదు. ఎన్టీఆర్ సినిమా ఉంటుందని భావించినా దానికి ఇంకా ముహూర్తం కుదరలేదు. అయితే పవర్ స్టార్ పవన్ కళ్యాణ్ హీరోగా సాగర్ చంద్ర దర్శకత్వం వహించిన `భీమ్లా నాయక్` సినిమాకు మాత్రం స్క్రీన్ ప్లే అందిస్తూ డైలాగ్స్ రాసి ఈ మూవీ పనుల్లో బిజీ అయిపోయారు త్రివిక్రమ్. ఇక మహేష్ బాబుతో సినిమా త్రివిక్రమ్ సినిమా ఉంటుందని అనుకున్నా అది కూడా ఇప్పట్లో పట్టాలెక్కే అవకాశం కనిపించడం లేదు.

దీంతో అటు ఎన్టీఆర్, ఇటు మహేష్ ప్రాజెక్ట్స్ సెట్స్ మీదకు రావాలంటే ఇంకా టైమ్ పట్టొచ్చని భావించిన త్రివిక్రమ్.. ఈ లోగా సమంతతో ఓ ప్రాజెక్టు ఫినిష్ చేయాలని ఫిక్సయ్యారట. ఓ హీరోయిన్ ఓరియెంటెడ్ మూవీని ఆయన ప్లాన్ చేస్తున్నట్లు ఇన్‌సైడ్ టాక్. ఇప్పటికే ఓ నవల హక్కులను సొంతం చేసుకొని ఇందుకు సంబంధించిన వర్క్ పూర్తి చేస్తున్నారట మాటల మాంత్రికుడు. రాకెట్ స్పీడుతో భారీ సినిమాగా ఈ మూవీని ప్రేక్షకుల ముందుకు తేవాలని ఆయన సన్నాహాలు చేస్తున్నారట. ఈ మేరకు త్వరలోనే సమంతను కలిసి కథ వినిపించనున్నారని తెలుస్తోంది. సో.. చూడాలి మరి ఈ ప్రాజెక్ట్ ఓకే అవుతుందా? లేదా అనేది!.

You might also like

Leave A Reply

Your email address will not be published.