FbTelugu

జగన్‌పై టీడీపీ అధినేత చంద్రబాబు విరుచుకుపడ్డారు..

ఏపీ ముఖ్యమంత్రి జగన్‌పై టీడీపీ అధినేత చంద్రబాబు విరుచుకుపడ్డారు. రాష్ట్రంలో ఒటీఎస్ పెట్టడానికి ఈ ప్రభుత్వానికి అనుమతి ఎవరిచ్చారని ప్రశ్నించారు. ‘ఎన్నో ఏళ్లగా ఇళ్లు ఇచ్చాం, మా ఇళ్లు అని లబ్ధిదారులు నివాసం ఉంటున్నారు.. నువ్వు ఇచ్చావా, నీకు సంబంధం ఉందా, మాట్లాడితే కేసులు పెడతారా, పెట్టు చూద్దాం’అంటూ నిలదీశారు. ఒక మహిళ తీవ్ర ఆవేదనతో సొమ్ము ఎక్కడ తేవాలని అంటోందని.. వారిపై కేసులు పెడతారా, వారి తరపున పోరాడితే కేసులు పెడతారా.. ఇది ముఖ్యమంత్రి అహంకారానికి పరాకాష్ట అంటూ ఘాటు వ్యాఖ్యలు చేశారు.

పేదలు తిరుగుబాటు చేస్తే ప్రభుత్వం ఆటలు సాగవన్నారు చంద్రబాబు. ఇప్పటికే సెక్యూరిటీ పెట్టుకునే తిరిగే పరిస్థితి వచ్చిందని.. OTS ఒత్తిళ్లకు ప్రజలెవరూ ఎవరూ భయపడొద్దు, సరెండర్ కావొద్దు, టీడీపీ ప్రభుత్వం వస్తూనే ఒక నెలలోపు శాశ్వతంగా పట్టా ఇచ్చే బాధ్యత తీసుకుంటామన్నారు. ప్రజలకు భరోసా ఇస్తున్నా, ధైర్యంగా నిలబడండి, తెలుగుదేశం అండగా ఉంటుందని భరోసా ఇచ్చారు. ఈ ప్రభుత్వానికి బుద్ది చెప్పే వరకు పోరాడి హక్కును సాధించుకుందామన్నారు. జగన్ ప్రభుత్వానికి మానవత్వం లేదా.. లబ్ధిదారులకు బలవంతపు అప్పులు కూడా ఇప్పిస్తున్నారని మండిపడ్డారు. వేధింపులు తట్టుకోలేక చనిపోతేనే బెటరని అనుకునే పరిస్థితికి తెచ్చారు, పేదల మానసిక క్షోభ మంచిది కాదన్నారు.

 

రాష్ట్రంలో డ్వాక్రా మహిళలు రోజుకు రూపాయి చొప్పున ఎల్ఐసిలో పొదుపు చేసుకుంటే ఆ నిధులు కూడా డ్రా చేస్తారా అని ప్రశ్నించారు టీడీపీ అధినేత.పేద మహిళలు పైసా పైసా కూడబెట్టుకున్న సొమ్ము అది.. ఈ ప్రభుత్వానికి విశ్వసనీయతలేదన్నారు. ఏది చెప్పినా దానిపై నిలబడరు.. మడమ తిప్పుతారు, హోదా తెస్తామని బీరాలు పలికి కేంద్రం దగ్గర మెడలు దించి కాళ్లు పట్టుకుంటున్నారని ఎద్దేవా చేశారు. ఏంచెప్పినా ప్రజలు నమ్ముతారనుకుంటే పొరపాటు అన్నారు.

You might also like

Leave A Reply

Your email address will not be published.