FbTelugu

వారెవ్వా.. ఇదేం షేరురా బాబూ.. రూ.లక్షను రూ.కోటిగా మార్చేసింది!

మీరు చేతిలో డబ్బులు ఎక్కడైనా ఇన్వెస్ట్ చేయాలని ప్లాన్ చేస్తున్నారా? అయితే మీరు ట్యాక్స్ సేవింగ్ ఎఫ్‌డీ స్కీమ్స్‌ను ఎంచుకోవడం ఉత్తమం. ఇందులో డబ్బులు పెడితే రెండు రకాల ప్రయోజనాలు పొందొచ్చు.

ప్రధానాంశాలు:
బ్యాంక్‌లో డబ్బులు దాచుకోవాలని భావిస్తున్నారా?
అయితే మీకోసం రెండు రకాల ప్రయోజనాలున్నాయి
ఒకటేమో ఆదాయపు పన్ను ఆదా చేసుకోవచ్చు
రెండోదేమో అదిరిపోయే రాబడి సొంతం చేసుకోవచ్చు

బ్యాంక్‌లో డబ్బులు దాచుకోవాలని భావిస్తున్నారా? అయితే మీరు ఒక విషయం తెలుసుకోవాలి. బ్యాంక్‌లో డబ్బులు దాచుకుంటూనే మరో బెనిఫిట్ కూడా పొందొచ్చు. పన్ను ఆదా చేసుకోవచ్చు. ఎలా అని అనుకుంటున్నారా? అయితే మీరు ఈ విషయం తెలుసుకోవాల్సిందే.

బ్యాంకుల్లో ప్రత్యేక ఎఫ్‌డీ సేవలు
బ్యాంకులు ట్యాక్స్ సేవింగ్ ఫిక్స్‌డ్ డిపాజిట్ సేవలు అందిస్తున్నాయి. వీటిల్లో డబ్బులు ఇన్వెస్ట్ చేయడం ద్వారా రాబడితోపాటు పన్ను ఆదా చేసుకోవచ్చు. పలు బ్యాంకులు ఈ తరహా ఎఫ్‌డీ సేవలను ఆఫర్ చేస్తున్నాయి. అయితే బ్యాంక్ ప్రాతిపదికన వడ్డీ రేట్లు మారుతూ ఉంటాయి. ఏ బ్యాంకులో ఎంత వడ్డీ ఉందో.. ఎక్కడ అధిక వడ్డీ లభిస్తుందో ఇప్పుడు తెలుసుకుందాం. Read : వారెవ్వా.. ఇదేం షేరురా బాబూ.. రూ.లక్షను రూ.కోటిగా మార్చేసింది!

రూ.1.5 లక్షలు ఆదా చేసుకోండి
ఆదాయపు పన్ను చట్టంలోని సెక్షన్ 80సీ కింద ఒక ఆర్థిక సంవత్సరంలో రూ.1.5 లక్షల వరకు పన్ను ఆదా చేసుకోవచ్చు. ట్యాక్స్ సేవింగ్ ఎఫ్‌డీల వల్ల కూడా ఈ బెనిఫిట్ పొందొచ్చు. అయితే వీటికి ఐదేళ్ల వరకు లాకిన్ పీరియడ్ ఉంటుంది. అంటే డబ్బులు విత్‌డ్రా చేసుకోవడ కుదరదు. ఐదేళ్లు వేచి ఉండాల్సిందే.

 

ఆర్‌బీఎల్ బ్యాంక్ టాప్
ప్రైవేట్ రంగానికి చెందిన ఆర్‌బీఎల్ బ్యాంక్ ట్యాక్స్ సేవింగ్ డిపాజిట్లపై 6.3 శాతం వరకు వడ్డీని అందిస్తోంది. అంటే మీరు రూ.1.5 లక్షలు పెడితే రూ.2.05 లక్షలు వస్తుంది. యస్ బ్యాంక్ 6.25 శాతం వడ్డీ రేటును ఆఫర్ చేస్తోంది. దీని తర్వాతి స్థానంలో ఐడీఎఫ్‌సీ ఫస్ట్ బ్యాంక్ ఉంది. ఈ బ్యాంక్‌లో వడ్డీ రేటు 6 శాతం వడ్డీ పొందొచ్చు.

Also Read: EPFO గుడ్ న్యూస్.. పీఎఫ్ ఖాతాదారుల అకౌంట్లలో ఆ డబ్బులు జమ!

ఇతర బ్యాంకుల్లో ఇలా
డీసీబీ బ్యాంక్‌లో వడ్డీ రేటు 5.95 శాతంగా ఉంది. అంటే మీరు రూ.1.5 లక్షలు పెడితే ఐదేళ్లలో చేతికి రూ.2.02 లక్షలు వస్తాయి. యాక్సిస్ బ్యాంక్‌లో కూడా ఈ ఎఫ్‌డీ సేవలు ఉన్నాయి. ఇందులో వడ్డీ రేటు 5.75 శాతంగా ఉంది. అంటే మీరు రూ.1.5 లక్షలు డిపాజిట్ చేస్తే రూ.2 లక్షలు పొందొచ్చు.

 

ఈ ఎఫ్‌డీలతో 2 లాభాలు
ట్యాక్స్ సేవింగ్ ఫిక్స్‌డ్ డిపాజిట్లలో డబ్బులు పెట్టడం వల్ల రెండు రకాల ప్రయోజనాలు పొందొచ్చు. ఒకటేమో పన్ను ఆదా చేసుకోవచ్చు. అంటే రూ.1.5 లక్షల వరకు ఆదా అవుతుంది. అలాగే వడ్డీ కూడా వస్తుంది. అంటే రూ.1.5 లక్షలు పెడితే రూ.50 వేల వరకు పొందొచ్చు. అంటే అటు పన్ను ఆదా.. ఇటు లాభం. అందుకే ఇలాంటి ఎఫ్‌డీలను ఎంచుకోవడం ఉత్తమం.

You might also like

Leave A Reply

Your email address will not be published.