FbTelugu

దేశంలోనే తొలిసారి..

సిరిసిల్ల: పోతుగల్ ప్రాథమిక వ్యవసాయ సహకార సొసైటీ వెబ్ పోర్టల్ ని ఈరోజు ఐటీ శాఖ మంత్రి కేటీఆర్ ప్రారంభించారు. దేశంలోనే సొంత వెబ్ ఫోర్టల్ కలిగిన ప్రాథమిక వ్యవసాయ కోపరేటివ్ సొసైటీ గా పోతుగల్ మారబోతున్నది.

ముస్తాబాద్ మండలం పోతుగల్ గ్రామంలో ఈ సొసైటీ ఉన్నది. ఈ వెబ్ సైట్ ద్వారా పోతుగల్ సొసైటీ తాను అందిస్తున్న రుణాలు, రుణాలకు సంబంధించిన ప్రక్రియ మరియు ఇతర సేవలకు సంబంధించిన పూర్తి వివరాలను తన వెబ్సైట్లో అందుబాటులో ఉంచింది. ఈ సమాచారంతో పాటు పోతుగల్ సొసైటీ వెబ్ సైట్ ద్వారా రానున్న పెట్రోల్ బంకులు, ఫుడ్ ప్రాసెసింగ్ ఇండస్ట్రీలు, ఏటీఎంలు ఆఫీస్ బిల్డింగ్ లు వంటి తదితర వివరాలన్నింటినీ కూడా సొసైటీ దీనిలో పొందుపరిచింది. ఈ వెబ్ సైట్ ద్వారా ధాన్యం సేకరణ వంటి సేవల వివరాలను, గణాంకాలను సొసైటీ కి అందుబాటులో ఉన్న ఫిక్స్ డు డిపాజిట్లు, లాకర్లు వివరాలను కూడా అందించనుంది. తెలుగు, ఇంగ్లీష్ భాషల్లో అందుబాటులో ఉంచడం ద్వారా రైతులకు సంబంధించిన వార్తలను, సొసైటీ అందించే ఇతర ఆఫర్లను కూడా పొందుపర్చారు.

సొసైటీ సొంతంగా ఒక వెబ్ సైట్ ను తయారు చేయడం ద్వారా దేశంలోని ఇతర సొసైటీలకు ఆదర్శంగా నిలిచిందని మంత్రి కేటీఆర్ అన్నారు. ఇంతటి వినూత్న ప్రయత్నంతో ముందుకు వచ్చిన సొసైటీ కార్యవర్గాన్ని కేటీఆర్ అభినందించారు.

You might also like