FbTelugu

తెలంగాణ ఎంసెట్ పరీక్షలు వాయిదా

హైదరాబాద్: రాష్ట్రంలో ఎంసెట్‌ పరీక్షలను వాయిదా వేయాలని తెలంగాణ ఉన్నత విద్యామండలి నిర్ణయిం తీసుకున్నది. కరోనా సెకండ్ వేవ్ ఉధృతంగా ఉండడంతో ఈ నిర్ణయం తీసుకోక తప్పలేదని ప్రకటించింది.

ఇప్పటికే ప్రకటించిన షెడ్యూల్‌ ప్రకారం జూలై 5, 6 తేదీల్లో ఎంసెట్‌ మెడికల్‌.. 7, 8, 9 తేదీల్లో ఇంజనీరింగ్‌ ప్రవేశ పరీక్ష జరగాల్సి ఉండగా వాయిదా పడింది. అయితే మే-2 నుంచి జరగాల్సిన ఇంటర్‌ ద్వితీయ సంవత్సరం పరీక్షలు వాయిదాపడటంతో ఈ నిర్ణయం తీసుకున్నట్లు తెలిపారు. సెకండియర్‌ పరీక్షలను జూలై 15 తర్వాత నిర్వహించాలని ఇంటర్ బోర్డు యోచిస్తున్నదని పేర్కొన్నారు. ఇంటర్‌ ద్వితీయ సంవత్సర పరీక్ష తేదీలు ఖరారైన తర్వాతే ఎంసెట్‌ షెడ్యూల్‌ను ప్రకటించే అవకాశం ఉంది.

You might also like

Leave A Reply

Your email address will not be published.