FbTelugu

యూట్యూబ్‌లో చూసి ఏటీఎం చోరీకి యత్నం. ప్లాన్ విఫలం అవ్వడంతో పోలీసులు చేతికి చిక్కిన గ్యాంగ్.

ఒక్కోసారి ఎంత తెలివిగా ప్లాన్ చేస్తే అంత ఈజీగా పట్టుబడతారు. ఒక గ్యాంగ్ సుత్తి, స్క్రూడ్రైవర్లతో ఏటీఎంలలోకి చోరీకి వెళ్లి.. ప్రతీసారి ఫెయిలైంది. ఇలా మూడు సార్లు అటెమ్ట్ చేసి.. ఉత్తి చేతుల్తోనే వెనక్కొచ్చిన ముఠాను వెహికల్ ఆధారంగా పోలీసులు పట్టుకుని జైలుకు పంపారు. చెక్‌పోస్ట్ దగ్గర వాహనాలను తనిఖీ చేస్తున్న సమయంలో.. వెహికల్ వదిలి పారిపోతున్న ముఠాను పలమనేరు పోలీసులు అదుపులోకి తీసుకుని మీడియాకు వివరాలు తెలిపారు.

చిత్తూరు, నెల్లూరు జిల్లాల్లో ఏటీఎంలో దొంగతనాలకు విఫల యత్నం చేసిన నలుగురు సభ్యులతో కూడిన ముఠాను పలమనేరు పోలీసులు అదుపులోకి తీసుకున్నారు. చిత్తూరు జిల్లాలోని వేర్వేరు ప్రాంతాలకు చెందిన వేణుగోపాల్ రెడ్డి, మాధవరెడ్డి, నరేష్, హరి.. తిరుపతిలో కలిశారు. ఈజీ వేలో డబ్బు సంపాదించాలని నిర్ణయించుకున్న ఈ నలుగురు.. యూట్యూబ్‌లలో వీడియోలు చూసి ఏటీఎంలో చోరీకి పాల్పడాలని నిర్ణయించుకున్నారు.

ఈ క్రమంలోనే ఒక వెహికల్ తీసుకుని.. మొదట నెల్లూరు జిల్లా వేదాయపాళెంలో ఒక ఏటీఎంలో చోరీ చేయాలని నిర్ణయించుకున్నారు. తమ ఫేస్‌లు కనిపించకుండా.. సీసీ కెమెరాకు చిక్కకుండా లోపలకైతే వెళ్లారు కానీ.. అక్కడ చోరీ చేయకుండానే వెనుదిరిగి వచ్చారు. ఆ తర్వాత గంగాధర నెల్లూరులోనూ దొంగతనం చేయకుండానే వెనక్కొచ్చారు. చివరగా ఈ నెల 6న పలమనేరు ఎంపీడీఓ కార్యాలయం ఎదుట ఉన్న ఏటీఎంలోకి వెళ్లి అక్కడ కూడా చోరీ చేయకుండానే వెనక్కొచ్చారు. మూడు చోట్ల అలారం మోగడంతో వెంటనే వెహికల్‌లో పారిపోయినట్లు పోలీసులు తెలిపారు.

పలమనేరు ఏటీఎంలో అలరాం మోగడంతో పోలీస్ స్టేషన్‌కు అలర్ట్ మెసెజ్ రావడంతో.. పోలీసులు అప్రమత్తమై.. ఘటనా స్థలానికి వెళ్లేసరిగే గ్యాంగ్ పారిపోయింది. సీసీ కెమెరాల్లో నిందితుల ముఖాలు సరిగా కనిపించలేదని.. అయితే బయట వెహికల్ విజువల్స్‌లో నమోదైన ఫుటేజ్ ఆధారంగా దర్యాప్తు ప్రారంభించామని తెలిపారు.

ఈ క్రమంలోనే ప్రత్యేక టీం వాహనాలను తనిఖీ చేస్తున్న సమయంలో.. పోలీసులను చూడగానే వెహికల్ వదిలేసి నిందితులు పారిపోతుండటంతో.. పోలీసులు చాకచక్యంగా వేణుగోపాల్ రెడ్డి, మాధవరెడ్డి, నరేష్, హరిని అదుపులోకి తీసుకుని విచారించగా.. మూడు చోట్ల చోరీకి విఫల యత్నాలు చేసినట్లు అంగీకరించారని వివరించారు.

You might also like

Leave A Reply

Your email address will not be published.