FbTelugu

RRRపై ఉమైర్ సంధు ట్వీట్. ఎన్టీఆర్‌ నటనపై కామెంట్స్.

కరోనా పరిస్థితులు మరోసారి ఆందోళన రేకెత్తించకుండా ఉంటే దేశవ్యాప్తంగా సినీ హుషారు కనిపించేది. రెండు తెలుగు రాష్ట్రాల్లో అయితే సంక్రాంతి జోష్‌తో పాటు థియేటర్స్‌లో భారీ సినిమా RRR ఆటలు సాగుతుండేవి. యావత్ సినీ లోకం ఎంతో ఆతృతగా ఎదురుచూసిన ఈ సినిమా జనవరి 7న విడుదల కావాల్సి ఉండగా మరోసారి వాయిదా పడింది. అయినప్పటికీ ఏ మాత్రం క్రేజ్ తగ్గలేదు. RRR లేటెస్ట్ అప్‌డేట్స్ కోసం మెగా, నందమూరి అభిమాన లోకం ఆసక్తిగా ఎదురుచూస్తోంది. ఈ నేపథ్యంలో తాజాగా మూవీ క్రిటిక్, ఓవర్సీస్ సెన్సార్ బోర్ట్ మెంబర్ ఉమైన్ సంధు సెన్సార్ రివ్యూ చెప్పారు.

”సెన్సార్ రిపోర్ట్ ప్రకారంగా చెప్పాలంటే RRR మైండ్ బ్లోయింగ్.. జూనియర్ ఎన్టీఆర్ నటన ఫైర్.. అదే టాక్ ఆఫ్ ది టౌన్” అని పేర్కొంటూ ఉమైన్ సంధు ట్వీట్ చేశారు. దీంతో ఈ ట్వీట్ చూసిన నెటిజన్లు, రామ్ చరణ్ ఫ్యాన్స్ నెగెటివ్ కామెంట్స్ చేస్తూ ఆయనపై విరుచుకు పడుతున్నారు. ఈ సోది రివ్యూలు ఇవ్వడం మానెయ్ అంటూ ట్రోల్ చేస్తున్నారు. దీంతో ప్రస్తుతం ఈ ట్వీట్ నెట్టింట వైరల్ అవుతోంది.

గతంలో కూడా RRR గురించి ట్వీట్స్ పెట్టిన ఉమైన్ సంధు.. RRR సినిమా చూశానని, మొత్తంగా ఒక్క కట్ కూడా చెప్పాల్సిన అవసరం రాలేదని అన్నారు. ఎన్టీఆర్ నేషనల్ లెవెల్ పర్ఫామెన్స్‌ కనబర్చారని, రామ్ చరణ్ ఈ సినిమాకు ఆత్మలాంటివాడని అన్నారు. చెర్రీ స్టైలీష్ పర్ఫామెన్స్ చూస్తే ఫ్యాన్స్‌ పిచ్చెక్కిపోతారని తెలిపారు.

దర్శకధీరుడు రాజమౌళి రూపొందించిన ఈ సినిమాలో కొమురం భీమ్ పాత్రలో యంగ్ టైగర్ ఎన్టీఆర్ నటించగా, అల్లూరి సీతారామరాజు రోల్ రామ్ చరణ్ పోషించారు. ఒలీవియా మోరిస్, ఆలియా భట్ హీరోయిన్లుగా నటించారు. శ్రీయ, అజయ్ దేవగన్ కీలక పాత్రలు పోషించారు. కరోనా కారణంగా వాయిదా పడిన ఈ చిత్రాన్ని ఏప్రిల్ తొలి వారంలో రిలీజ్ చేయాలని సన్నాహాలు చేస్తున్నారట.

You might also like

Leave A Reply

Your email address will not be published.