FbTelugu

హరిహర వీరమల్లు మెయిన్ స్టోరీ రివీల్. పవన్ ప్రాజెక్టుపై నిధి ఓపెన్.

అటు ఏపీ రాజకీయాల్లో చక్రం తిప్పుతూనే ఇటు సినిమాల్లో రాణిస్తున్నారు పవర్ స్టార్ పవన్ కళ్యాణ్. వకీల్ సాబ్ సినిమాతో వెండితెరపైకి రీ- ఎంట్రీ ఇచ్చిన పవన్.. వరుస సినిమాలతో బిజీ అయ్యారు. రాజకీయాలను, సినిమాలను బ్యాలెన్స్ చేస్తూ ముందుకెళ్తున్న ఆయన క్రిష్ దర్శకత్వంలో ‘హరిహర వీరమల్లు’ మూవీ చేస్తున్న సంగతి తెలిసిందే. ఈ సినిమాలో పవన్ సరసన నిధి అగర్వాల్ హీరోయిన్‌గా నటిస్తోంది. ఈ నేపథ్యంలో తాజాగా జరిగిన ఓ ఇంటర్వ్యూలో ‘హరిహర వీరమల్లు’ మూవీ గురించి ఓపెన్ అయ్యింది నిధి.

17వ శతాబ్దం నేపథ్యంలో పీరియాడికల్‌ డ్రామాగా ఈ సినిమాను ఎంతో ప్రతిష్టాత్మకంగా తెరకెక్కిస్తున్నారు డైరెక్టర్ క్రిష్. ఈ మూవీ కోసం 180 కోట్ల మేర బడ్జెట్ కేటాయించినట్లు సమాచారం. మొగల్ చక్రవర్తుల కాలం నాటి కథ కళ్ళకు కట్టినట్లుగా చూపించబోతున్నారని విన్నాం. గత కొద్ది రోజులుగా భారీ సెట్స్ వేసి ఈ సినిమా షూటింగ్ జరుపుతున్నారు. ప్రస్తుతం కరోనా కారణంగా కొన్ని రోజులపాటు బ్రేక్ ఇచ్చారు. అయితే ఈ మూవీ స్టోరీ లైన్ ఏంటనేది డైరెక్టర్ క్రిష్ కాస్త సస్పెన్సులోనే పెట్టగా తాజాగా నిధి అగర్వాల్ రివీల్ చేసేసింది.

‘హరిహర వీరమల్లు’ సినిమా రెండు కాలాల మధ్య సాగే కథ అని చెబుతూ చిత్రానికి సంబంధించిన మెయిన్ పాయింట్ బయటపెట్టింది నిధి. అంటే ఈ సినిమాలో పవన్ రెండు డిఫరెంట్ గెటప్పుల్లో కనిపించనున్నారని అర్థం చేసుకోవచ్చు. ఇకపోతే ఈ సినిమాలో కొన్ని యాక్షన్స్ సీన్స్‌లో నటించానని చెప్పిన నిధి.. పవన్‌తో నటించడం అదృష్టంగా భావిస్తున్నానని చెప్పుకొచ్చింది.

You might also like

Leave A Reply

Your email address will not be published.