FbTelugu

వైసీపీకి నందమూరి బాలకృష్ణ వార్నింగ్…

శుక్రవారం రాష్ట్ర అసెంబ్లీలో జరిగిన సమావేశాలకు మాజీ ముఖ్యమంత్రి నారా చంద్రబాబు నాయుడు హాజరయ్యారు . ఆ స‌మ‌యంలో త‌న స‌తీమ‌ణి భువ‌నేశ్వ‌రి దేవిని ప్ర‌భుత్వానికి చెందిన ఇత‌ర నాయ‌కులు అవ‌మాన‌క‌రంగా, అస‌భ్యంగా మాట్లాడారంటూ చంద్ర‌బాబు మీడియా ముఖంగా క‌న్నీటి ప‌ర్యంత‌మ‌య్యారు. ముఖ్య‌మంత్రి అయిన త‌ర్వాతే తాను అసెంబ్లీలోకి అడుగు పెడ‌తామ‌ని ఈ నేప‌థ్యంలో చంద్ర‌బాబు ప్ర‌మాణం చేసి బ‌య‌ట‌కు వ‌చ్చేశారు. ఈ ఘ‌ట‌న‌తో యావ‌త్ ఆంధ్రప్ర‌దేశ్‌లో తెలుగు దేశం పార్టీ కార్య‌కర్త‌లు ధ‌ర్నాలు చేస్తూ నిర‌స‌న‌లు వ్య‌క్తం చేశారు. దీనిపై తెలుగు దేశం పార్టీ నాయ‌కులు, కార్య‌కర్త‌లు ప్ర‌భుత్వంపై విమ‌ర్శ‌లు చేస్తున్నారు. తాజాగా నంద‌మూరి కుటుంబానికి చెందిన ఎమ్మెల్యే.. సినీ హీరో నంద‌మూరి బాల‌కృష్ణ పాత్రికేయుల‌తో మాట్లాడారు.

‘‘రాష్ట్రాభివృద్ది కోం అసెంబ్లీ సజావుగా జ‌ర‌గాలి. దాన్ని జ‌ర‌గ‌నివ్వ‌కుండా, దాని దృష్టి మ‌ర‌ల్చ‌డానికి ఓ వ్య‌క్తిని టార్గెట్ చేయ‌డ‌మ‌నేది త‌ప్పు. చంద్ర‌బాబు నాయుడు చాలా ధైర్యంగా ఉండే వ్య‌క్తి. అలాంటాయ‌న కన్నీళ్లు పెట్టుకోవ‌డం బాధాక‌రం. ప్ర‌జా స‌మ‌స్య‌ల‌పై పోరాడాల్సిన అవ‌స‌రం ఉంది. అసెంబ్లీలో వాగ్వాదాలు జ‌ర‌గుతుంటాయి. అవ‌న్నీ స‌హ‌జ‌మే. ఒక‌రికొక‌రు స‌ల‌హాలు ఇచ్చుకోవ‌డం, స‌వాళ్లు చేసుకోవ‌డం అనేది జ‌రుగుతుంటాయి. భువ‌నేశ్వ‌రిగారిని వ్య‌క్తిగ‌తంగా దూషించ‌డం అనేది దుర‌దృష్ట‌క‌రం. వాళ్ల భాషే కాదు.. అంగీకం కూడా ఇబ్బందిక‌రంగా ఉంది. రాజ‌కీయాల‌తో సంబంధం లేని వ్య‌క్తుల‌ను టార్గెట్ చేయ‌డ‌మ‌నేది త‌ప్పు. దోచుకున్న సొమ్మును ఇంట్లో దాచుకోవ‌డం త‌ప్పే వాళ్లేం చేయ‌డం లేదు. వాళ్లింట్లోని ఆడ‌వాళ్లే వాళ్ల‌ను చీద‌రించుకుంటున్నారు. అంద‌రికీ త‌ల్లులున్నారు, పెళ్లాలున్నారు, పిల్ల‌లున్నారు. ఇక్క‌డ ఊరికే చేతులు క‌ట్టుకుని కూర్చోలేదు. వాళ్ల కుటుంబంలోనే స‌మ‌స్య ఉంది. దాన్నిడైవ‌ర్ట్ చేయ‌డం కోసం ఇలా చేయ‌డం క‌రెక్ట్ కాదు. ఇంత నీచానికి దిగ‌జారాల్సిన అవ‌స‌రంఇప్పుడు ఆంధ్రప్ర‌దేశ్ ఎలాంటి ప‌రిపాల‌న జ‌రుగుతుందో అంద‌రూ చూస్తున్నారు. మంచి స‌ల‌హాలు ఇస్తే తీసుకోరు. మీరు మార‌రు. మీరు మార‌క‌పోతే, ప్ర‌జ‌లే మెడ‌లు వంచుతారు. అధికారం శాశ్వ‌తం కాదు. ప్ర‌తి దానికి ఓ హ‌ద్దు ఉంటుంది. అధికారి ఉంది క‌దాని, ఇష్టం వ‌చ్చిన‌ట్లు మాట్లాడితే స‌హించేది లేదు. నోరు అదుపులో పెట్టుకుని మాట్లాడండి. ఇదే నా హెచ్చ‌రిక‌! ప్ర‌జ‌ల త‌ర‌పునైతేనేమీ, పార్టీ కార్యక‌ర్త‌ల త‌ర‌పునైతేనేమీ, అభిమానుల త‌ర‌పునుంచైతేనేమి, మా కుటుంబం త‌ర‌పునుంచైతేనేమి, మ‌ళ్లీ ఇలాంటి నీచ‌, నికృష్ట భాష‌ను వాడితే స‌హించేది లేదు. ఒక్కొక్క‌డి భ‌ర‌తం ప‌డ‌తాం. మర్యాదలు ఇచ్చిపుచ్చుకోండి. అదే రిపీట్ అయితే మీరు అడ్డం పెట్టుకున్న వ్యవస్థలను బద్దలు కొట్టుకొచ్చి మరీ గుణపాఠం చెబుతాం. ’’ అన్నారు నందమూరి బాలకృష్ణ.

You might also like

Leave A Reply

Your email address will not be published.