FbTelugu

ఆదుకుంటానని మాట ఇచ్చిన ఎమ్మెల్యే రోజా. ఇచ్చిన మాట ప్రకారం కాంట్రాక్ట్ ఉద్యోగం ఇప్పించిన ఎమ్మెల్యే.

కరోనా మహమ్మారి ఎన్నో కుటుంబాల్లో విషాదాన్ని నింపింది. తల్లిదండ్రులను కోల్పోయిన పిల్లలు ఒకవైపు అయితే.. పిల్లల్ని కోల్పోయి తీరని దుఃఖంలో ఉన్న తల్లిదండ్రులు ఇంకోవైపు. కరోనాతో పెద్ద దిక్కు కోల్పోయిన కుటుంబాలకు ప్రభుత్వం అంతో ఇంతో సాయం చేసి ఆదుకుంది. ప్రభుత్వ సాయంతో పాటు తన వంతు బాధ్యతగా.. నగరి ఎమ్మెల్యే ఆర్కే రోజా ఓ కుటుంబానికి అండగా నిలిచింది.

నగరి నియోజకవర్గం పుత్తూరు మునిసిపాలిటీకి చెందిన 42 సంవత్సరాలు హైమ.. ఏపీఎస్పీడీసీఎల్ పుత్తూరు విభాగంలో కాంట్రాక్ట్ ఉద్యోనిగా పదేళ్లుగా పనిచేస్తూ.. కోవిడ్ సెకండ్ వేవ్ సమయంలో మృతిచెందారు. ఆ కుటుంబానికి పెద్ద దిక్కుగా ఉన్న హైమా మరణంతో జీవనాధారం కోల్పోయినట్టయింది. దీంతో ఆ కుటుంబానికి ఉంటానని ఆ రోజు ఇచ్చిన మాటను ఎమ్మెల్యే రోజా ఈ రోజు నిలబెట్టుకున్నారు.

హైమ రాజు మృతిచెందిన మూడు నెలల్లోనే ఆ కుటుంబానికి భరోసా ఇస్తూ.. మృతురాలి కుమార్తెకు కాంట్రాక్ట్ ఉద్యోగం ఇప్పించారు రోజా. ఏపీ ఎస్పీడీసీఎల్ సీఎండీని కలిసి కుటుంబ పరిస్థితిని వివరించి.. హైమ చేసిన విభాగంలోనే ఆమె కూతురు మౌనికకు ఉద్యోగం ఇప్పించారు. తల్లి లేని పిల్లలకు ఆసరాగా ఆ కుటుంబం నిలవడంతో.. మౌనికతో సహా పిల్లలు ఎమ్మెల్యే రోజాకు కృతజ్ఞతలు తెలిపారు.

You might also like

Leave A Reply

Your email address will not be published.