FbTelugu

తిరుమలలో భ‌క్తుల‌కు సుల‌భంగా గ‌దులు

తిరుమల: భ‌క్తుల సౌక‌ర్యార్థం తిరుమ‌ల‌లోని ఆరు ప్రాంతాల్లో నూత‌నంగా టిటిడి ఏర్పాటు చేసిన కౌంట‌ర్ల‌లో వ‌స‌తి గ‌దుల కొర‌కు పేర్లు రిజిస్ట్రేష‌న్ చేసుకునే అవ‌కాశాన్ని టిటిడి క‌ల్పిస్తోంది. ఇప్ప‌టి వ‌ర‌కు తిరుమ‌ల‌లోని వ‌స‌తి కొర‌కు సిఆర్‌వో వ‌ద్ద పేర్లు రిజిస్ట్రేష‌న్, గ‌దులు కేటాయిస్తున్న విష‌యం విదిత‌మే.

జూన్ 12వ తేదీ శ‌నివారం ఉద‌యం 8 గంట‌ల నుండి జిఎన్‌సి టోల్‌గేట్ వ‌ద్ద ఉన్న ల‌గేజి కౌంట‌ర్ నందు రెండు కౌంట‌ర్లు, బాలాజి మెయిన్ బ‌స్టాండ్ వ‌ద్ద రెండు కౌంట‌ర్లు, కౌస్తుభం అతిథి భ‌వ‌నం వ‌ద్ద ఉన్న కారు పార్కింగ్ ప్రాంతంలో రెండు కౌంట‌ర్లు, రాంభ‌గిచ బ‌స్టాండ్ వ‌ద్ద రెండు కౌంట‌ర్లు, ఎంబిసి ప్రాంతంలోని శ్రీ‌వారి మెట్టు వ‌ద్ద రెండు కౌంట‌ర్లు, సిఆర్‌ఓ వ‌ద్ద రెండు కౌంట‌ర్ల‌లో భ‌క్తులు వ‌స‌తి కోర‌కు పేర్లు రిజిస్ట్రేష‌న్ చేసుకునేందుకు అన్ని ఏర్పాట్లు పూర్తి చేసింది. పేర్లు రిజిస్ట్రేష‌న్ చేసుకున్న భ‌క్తుల‌కు ఎస్.ఎం.ఎస్ ద్వారా వారికి కేటాయించిన గ‌దుల స‌మాచారం తెలియచేస్తారు. ఆ తరువాత వారికి గ‌దులు కేటాయించిన ప్రాంతాల్లోని ఉప విచార‌ణ కార్యాల‌యాల వ‌ద్ద రుసుం చెల్లించి టిటిడి కోరింది.

You might also like

Leave A Reply

Your email address will not be published.