30 ఎకరాల్లో చెట్లు కూల్చవద్దు: హైకోర్టు

అమరావతి: విశాఖపట్నం కాపులుప్పాడలో రాష్ట్ర ప్రభుత్వం నిర్మించతలపెట్టిన గెస్ట్​హౌస్ నిర్మాణంపై హైకోర్టు కీలక ఆదేశాలు ఆదేశాలు జారీ చేసింది. గెస్ట్​హౌస్​కు కేటాయించిన 30 ఎకరాల్లో చెట్లు నరకవద్దని హైకోర్టు ఆదేశాలు జారీ చేసింది.

కాపులుప్పాడ కొండపై అతిథిగృహం నిర్మాణాన్ని సవాల్ చేస్తూ… అమరావతి జేఏసీ నేత గద్దె తిరుపతిరావు హైకోర్టులో పిటిషన్ దాఖలు చేశారు. దీనిపై ఇవాళ విచారణ జరిగింది. గ్రేహౌండ్స్​కు ఇచ్చిన స్థలంలో గెస్ట్​హౌస్ నిర్మాణం సరికాదని పిటిషనర్ తరపు న్యాయవాది వాదించారు. గ్రేహౌండ్స్ నక్సల్స్, టెర్రరిస్ట్ వ్యతిరేక దళం, రహస్య ఆపరేషన్ నిర్వహిస్తుంటుందని ధర్మాసనం దృష్టికి తీసుకెళ్లారు. వాదప్రతివాదనల తరువాత గెస్ట్​హౌస్​కు కేటాయించిన 30 ఎకరాల్లో చెట్లు నరకవద్దని హైకోర్టు ఆదేశాలు జారీ చేసింది.

ఈ వ్యవహారంలో కేంద్ర ప్రభుత్వాన్ని ప్రతివాదిగా చేర్చాలని హైకోర్టు ఆదేశించింది. వారం రోజుల్లో కౌంటర్ దాఖలు చేయాలని ధర్మాసనం ప్రభుత్వాన్ని సూచించింది.