FbTelugu

విమానాశ్రయంలో బ్యాగు కలకలం

Bag-bagged-at-airport

దిల్లీ ఇందిరాగాంధీ అంతర్జాతీయ విమానాశ్రయంలో ఓ అనుమానాస్పద బ్యాగు కలకలం రేపింది. పోలీసులు ముమ్మర తనిఖీలు చేపట్టి ఆ సంచిని అక్కడ నుంచి తొరలించారు. ఆ బ్యాగ్​లో ఉన్నది ఆర్​డీఎక్స్​ లేదా ఐఈడీ పరికరం కావచ్చని అధికారులు భావిస్తున్నారు. 24 గంటల పాటు బ్యాగ్​ను పర్యవేక్షణలో ఉంచనున్నారు. ఆ తర్వాతే పూర్తి వివరాలు తెలిసే అవకాశముందని వెల్లడించారు. దీంతో భద్రతా కారణాల రీత్యా పోలీసులు రెండు గంటలపాటు ప్రయాణికులపై ఆంక్షలు విధించారు. ఉదయం 4 గంటల తరువాతే ప్రయాణికులను బయటకు వెళ్లడానికి అనుమతించారు. ఎయిర్​పోర్ట్​ పరిసరాల్లోనూ భద్రతను కట్టుదిట్టం చేశారు. ఈ రోజు అర్ధరాత్రి ఒంటి గంట సమయంలో విమానాశ్రయంలోని మూడో టెర్మినల్​ గేట్​ నెంబర్ 2 వద్ద అనుమానాస్పదంగా ఉన్న ఓ నల్లని రంగు సంచిని అధికారులు గుర్తించారు. సమాచారం అందుకున్న పోలీసులు బాంబ్, డాగ్​ స్క్వాడ్​లతో తనిఖీలు నిర్వహించారు. అనుమానాస్పద బ్యాగ్​ను స్వాధీనం చేసుకున్నారు. ప్రాథమిక సమాచారం ప్రకారం ఈ సంచిలో ఆర్​డీఎక్స్ ఉన్నట్లు తెలుస్తోంది. దీనిని బాంబ్​ డిటెక్టర్, శునకాలతో తనిఖీ చేశారు. అయితే ఈ పేలుడు పదార్థం కచ్చితమైన స్వభావం ఇంకా నిర్ధారణ కాలేదని, 24 గంటల తరువాతనే స్పష్టత వచ్చే అవకాశం ఉందని అధికారిక వర్గాలు తెలిపాయి. అయితే.. ఆ బ్యాగ్​లో ఉన్నది​ పేలుడు పదార్థమేనని అధికారులు భావిస్తున్నారు.

You might also like