FbTelugu

శ్రీవారి భక్తులకి విజ్ఞప్తి….దర్శనం వాయిదా వేసుకుంటే మంచిది.

శ్రీవారి భక్తులకి విజ్ఞప్తి మరో వారం రోజుల పాటు దర్శనం వాయిదా వేసుకుంటే మంచిదని టీడీడీ చైర్మన్ వైవీ సుబ్బారెడ్డి విజ్ఞప్తి చేశారు. తిరుమలను భారీ వర్షాలు వెంటాడుతున్నాయి. మంగళవారం రాత్రి కురిసిన కుంభ వృష్టి వానకు రెండవ ఘాట్ రోడ్డులో కొండచరియలు విరిగిపడ్డాయి. లింక్ రోడ్డు తర్వాత మూడు ప్రాంతాలలో ఘాట్ రోడ్డు కుంగిపోయింది. కొండపై నుంచి రోడ్డుపై భారీ బండరాయి పడింది. దీంతో మూడు చోట్ల రోడ్డు పాక్షికంగా ధ్వంసమైంది.ఈ నేపథ్యంలో తిరుమల ఘాట్ రోడ్డులో కొండచరియలు విరిగిపడిన ప్రాంతాన్ని టీడీడీ చైర్మన్ వైవీ సుబ్బారెడ్డి పరిశీలించారు. గత 20 ఏళ్లలో లేనివిధంగా వర్షాలు కురవడంతో భారీ కొండచరియలు విరిగిపడ్డాయని ఆయన చెప్పారు. వాహనాలు లేకపోవడంతో ప్రమాదం తప్పిందన్నారు. నాలుగు ప్రాంతాలలో రోడ్డు పూర్తిగా దెబ్బతిందని తెలిపారు. రహదారుల రిపేర్ కోసం ఢిల్లీ నుంచి ఐఐటీ నిపుణులు వస్తున్నారని.. పునరుద్ధరణకు మరో 3 రోజుల సమయం పడుతుందన్నారు.

తిరుమల శ్రీవారి టికెట్లు బుక్ చేసుకున్న భక్తులు దర్శనం వారం రోజులపాటు వాయిదా వేసుకుంటే మంచిదని వైవీ సుబ్బారెడ్డి విజ్ఞప్తి చేశారు. టికెట్లు బుక్ చేసుకున్న ఆరు నెలల్లో ఎప్పుడైనా దర్శనం చేసుకోవచ్చని చెప్పారు. టికెట్లను రీ షెడ్యుల్ చేసుకునే అవకాశం త్వరలో కల్పిస్తామన్నారు. శ్రీవారి ఆలయ పరిసరాలు, మాఢ వీధులు, తిరుమల రహదారులు వర్షపు నీరు భారీగా చేరుకోవడంతో టీటీడీ సిబ్బంది వర్షం నీటిని బయటకు పంపే ప్రయత్నం చేస్తున్నారని ఆయన తెలిపారు

You might also like

Leave A Reply

Your email address will not be published.